بھینسوں اور بیلوں کو ذبح کیا جاتا ہے تو گائے کو کیوں نہیں؟؟ کرناٹک وزیر کے بیان نے نئے تنازعہ کو جنم دیا
میسور04 جون2023 (آئی اے این ایس) کرناٹک کے وزیر برائے حیوانات ٹی وینکٹیش نے ہفتہ کو یہ کہہ کر تنازعہ کھڑا کر دیا کہ اگر بھینسوں اور بیلوں کو ذبح کیا جا سکتا ہے تو گائے کو کیوں ذبح نہیں کیا جا سکتا۔
میسور میں نامہ نگاروں سے بات کرتے ہوئے وینکٹیش نے کہا کہ بات چیت کے بعد کرناٹک پریوینشن آف سلاٹر اینڈ پریزرویشن آف کیٹل ایکٹ کو واپس لینے پر مناسب کارروائی کی جائے گی۔
انہوں نے کہا کہ فیصلہ وہی ہوگا جو کسانوں کو مدد دے۔
وینکٹیش نے کہا کہ اس نے اپنی رہائش گاہ پر تین سے چار گائیں بھی پالی ہیں۔ جب ایک گائے مر گئی، تو ہم نے اسے جلانے کے لیے جدوجہد کی۔ 25 کے قریب لوگ مردہ گائے کو اٹھانے کے لیے آئے لیکن یہ ممکن نہ ہو سکا۔ بعد میں، ایک جے سی بی منگوائی گئی اور مردہ گائے کو ٹھکانے لگایا گیا۔
انہوں نے یہ بھی واضح کیا کہ ریاست میں گوشالوں کے انتظام کے لیے فنڈز کی کمی ہے۔
دوسری جانب ہندو کارکنوں نے کانگریس کے وزیر کے تبصرے کی مذمت کی ہے اور انہیں خبردار کیا ہے کہ اگر ریاستی حکومت نے گائے کے ذبیحہ سے متعلق قانون کو واپس لیا تو نتائج بھگتنے پڑیں گے۔
کے ذبیحہ پر پابندی اور مجرموں کے لیے سخت سزا تجویز کرنے والا بل منظور کیا تھا۔
