بھٹکل: معروف سماجی، ادبی اور تعلیمی شخصیت ڈاکٹر آر۔ وی۔ سراف کی یاد میں قائم کیے گئے ڈاکٹر آر۔ وی۔ سراف ایوارڈ کے لیے رواں سال کٹگارکوپّا، ہیگڈّے کے رہائشی معروف روایتی معالج (ناٹی وید) کریا گووند گونڈا کا انتخاب کیا گیا ہے۔
ڈاکٹر آر۔ وی۔ سراف نے اپنی پوری زندگی ادب، سماجی خدمت اور تعلیمی میدان میں بے لوث خدمات انجام دیں اور کبھی شہرت یا تشہیر کی خواہش نہیں رکھی۔ ان کی خدمات اور نظریات کو خراجِ عقیدت پیش کرنے کے لیے ان کے مداحوں نے ان کے نام سے اس ایوارڈ کا اجراء کیا ہے۔
مداحوں کے گروپ کے صدر پی۔ آر۔ نائک نے ایک پریس بیان میں کہا کہ کریا گووند گونڈا کئی برسوں سے بغیر کسی لالچ کے عوام کی خدمت کر رہے ہیں۔ وہ سانپ، بچھو اور دیگر زہریلے جانوروں کے کاٹنے کے متاثرین اور جلدی امراض میں مبتلا مریضوں کا روایتی طریقۂ علاج کرتے ہوئے ہزاروں افراد کی جان بچا چکے ہیں۔ ان کے والد اور دادا بھی قدیم زمانے سے اسی پیشے سے وابستہ رہے ہیں۔
یہ اعزاز 28 جون کو ان کی رہائش گاہ کے صحن میں منعقد ہونے والی تقریب میں پیش کیا جائے گا، جس میں انہیں تعریفی لوح اور 5 ہزار روپے نقد بطور انعام دیے جائیں گے۔
یہ مشترکہ اعلان مداحوں کے گروپ کے صدر پی۔ آر۔ نائک، اعزازی صدر ماناسوت شمبھو ہیگڈے، کنوینر گنگادھر نائک اور سکریٹری شری دھر شیٹ نے جاری کیا۔
رپورٹ : کراولی نیوز نیٹ ورک بھٹکل
