بھٹکل میں بجلی صارفین کے لیے خوشخبری!
بجلی سے جڑے روزمرہ مسائل جیسے بار بار بجلی جانا، کم وولٹیج، زیادہ بل آنا، خراب میٹر اور نئے کنکشن میں تاخیر — اب ان سب پر براہِ راست بات کرنے کا موقع مل رہا ہے۔
بجلی محکمہ کی جانب سے ایک عوامی اجلاس منعقد کیا جا رہا ہے، جو
ہفتہ، 17 جنوری 2026 کو دوپہر 3 بجے بھٹکل میں ہوگا۔
اس اجلاس میں گھریلو، تجارتی اور صنعتی تمام صارفین کو مدعو کیا گیا ہے۔ محکمہ کے ذمہ دار افسران خود موجود رہیں گے اور لوگوں کی شکایات کو براہِ راست سنیں گے۔
اجلاس میں صارفین کو یہ موقع ملے گا کہ وہ اپنی پریشانیاں کھل کر بیان کریں، جیسے:
بار بار بجلی کی کٹوتی
کم وولٹیج
غیر معمولی بجلی بل
خراب یا غلط میٹر
نئے کنکشن میں تاخیر
محکمہ کے مطابق اس نشست کا مقصد عوام اور محکمہ کے درمیان براہِ راست رابطہ قائم کرنا اور فوری، قابلِ عمل حل تلاش کرنا ہے تاکہ بجلی کی سہولت کو بہتر بنایا جا سکے۔
بجلی محکمہ نے بھٹکل اور اطراف کے تمام صارفین سے اپیل کی ہے کہ وہ بڑی تعداد میں اس اجلاس میں شرکت کریں اور اپنے مسائل خود بیان کریں۔
رپورٹ کراولی نیوز نیٹ ورک بھٹکل
