شیرالی کے سینٹ تھامس انگلش میڈیم اسکول کی ایس ایس ایل سی امتحان میں 100 فیصد کامیابی
بھٹکل تعلقہ کے شیرالی کے قریب کوٹے باگیل میں واقع سینٹ تھامس انگلش میڈیم اسکول نے اس سال کے ایس ایس ایل سی (SSLC) امتحان میں ایک بار پھر 100 فیصد نتائج حاصل کرکے قابلِ ذکر کامیابی درج کی ہے۔
اس امتحان میں شریک ہونے والے تمام 58 طلبہ کامیاب رہے۔ ان میں سے 36 طلبہ نے امتیازی (ڈسٹنکشن) درجے میں کامیابی حاصل کی، 17 طلبہ نے فرسٹ کلاس جبکہ 5 طلبہ نے سیکنڈ کلاس میں اچھے نمبرات حاصل کیے۔
نمایاں طلبہ کی فہرست درج ذیل ہے:
شریشا شری دھر شیٹ نے 612 نمبرات (98%) حاصل کرکے اسکول میں پہلا مقام حاصل کیا۔
اشویتا جینت موگیر نے 597 نمبرات (96%) کے ساتھ دوسرا مقام حاصل کیا۔
پدما پرساد پارشوناتھ جین نے 591 نمبرات (95%) حاصل کرکے تیسرا مقام حاصل کیا۔
تعلیمی معیار کے لحاظ سے بھی اسکول کو ا ے گریڈ حاصل ہوا ہے۔
یہ اسکول گزشتہ 23 برسوں سے شیرالی کے دیہی ماحول میں معیاری اور بہترین تعلیم فراہم کرتا آ رہا ہے۔
اگرچہ یہ ایک غیر امدادی (unaided)
ادارہ ہے، لیکن اس کے باوجود اسکول انتظامیہ ایس ایس ایل سی طلبہ کے لیے مفت رات کی کلاسیں منعقد کرتی ہے اور خصوصی تربیتی کلاسوں کے ذریعے طلبہ کو بہتر انداز میں تیار کرتی ہے۔ یہی وجہ ہے کہ اسکول ہر سال شاندار نتائج پیش کرتا آ رہا ہے، جسے عوامی سطح پر بھی سراہا جا رہا ہے۔
طلبہ کی اس نمایاں کامیابی پر اسکول کے ہیڈ ماسٹر مسٹر سیمیول ورگیس، اساتذہ، والدین، تعلیمی افسران اور مختلف سماجی و تعلیمی اداروں کے ذمہ داران نے خوشی اور اطمینان کا اظہار کیا ہے۔
اسکول انتظامیہ کے مطابق اس کامیابی کا اصل سہرا طلبہ کی محنت، اساتذہ کی مسلسل رہنمائی اور والدین کے تعاون کو جاتا ہے۔
کراولی نیوز نیٹ ورک بھٹکل
