بھٹکل 5 نومبر 2025 بروز بدھ ( کراولی نیوز بیرو )
بھٹکل کے کار اسٹریٹ علاقے میں ایک بڑے مالیاتی گھوٹالے کا انکشاف ہوا ہے۔
“Global Enterprises” کے نام سے چلنے والی کمپنی گزشتہ ایک ماہ سے عوام کو آدھی قیمت پر سامان دینے کا وعدہ کر رہی تھی۔
کمپنی کا طریقہ یہ تھا کہ گاہکوں سے پوری رقم پہلے ہی وصول کی جاتی، اور دس دن میں سامان فراہم کرنے کا یقین دلایا جاتا۔
ابتدائی دنوں میں کمپنی نے کچھ گاہکوں کو سامان دے کر عوام کا اعتماد حاصل کیا۔
تاہم آج صبح جب لوگ اپنا بکنگ شدہ سامان لینے پہنچے تو دکان بند پائی گئی۔
اطلاعات کے مطابق کمپنی کے مالکان دفتر بند کر کے فرار ہو چکے ہیں۔
عوامی اندازوں کے مطابق اس دھوکہ دہی میں لاکھوں نہیں بلکہ کروڑوں روپے کا نقصان ہوا ہے۔
بھٹکل پولیس نے فوری کارروائی کرتے ہوئے معاملہ درج کر لیا ہے۔
پولیس نے کمپنی کے بینک اکاؤنٹس اور مالی ریکارڈ کی جانچ شروع کر دی ہے۔
متعلقہ شوروم اور گوڈاؤن کو سیل کر کے مزید تحقیقات جاری ہیں۔
پولیس نے متاثرہ افراد سے رسیدوں سمیت رپورٹ درج کروانے کی اپیل کی ہے۔
