بھٹکل (کراولی نیوز بیورو)
12 نومبر، بدھ
بھٹکل پولیس نے گلوبل انٹرپرائزز کے دھوکہ دہی کے معاملے میں تین افراد کو گرفتار کرنے میں کامیابی حاصل کی ہے۔
یہ کارروائی محمد سعود ابن حسن شبر محتشم (عمر 43 سال) کی شکایت پر عمل میں آئی، جنہوں نے بھٹکل ٹاؤن پولیس تھانے میں شکایت درج کرائی تھی۔
اس معاملے کو کیس نمبر 149/2025 کے تحت درج کیا گیا، جس میں قانون کا ضابطہ 2023 کی دفعہ 318(4) اور The Banning of Unregulated Schemes Act 2019 کی دفعہ 21(1) اور 21(2) شامل ہیں۔
پولیس نے شکایت موصول ہوتے ہی فوری کارروائی شروع کی اور تفتیش کا دائرہ وسیع کیا۔
یہ پورا آپریشن شری دیپن ایم۔این (آئی پی ایس) سپرنٹنڈنٹ آف پولیس، ضلع اتر کنڑا،
شری کرشن مورتی ایڈیشنل سپرنٹنڈنٹ آف پولیس، ضلع کاروار،
اور شری جگدیش نائک ایڈیشنل سپرنٹنڈنٹ آف پولیس، ضلع اتر کنڑا کی نگرانی میں انجام دیا گیا۔
بھٹکل ٹاؤن پولیس اسٹیشن کے انچارج انسپکٹر شری دیواکر پی۔ایم اور پی ایس آئی نوین نائک کی رہنمائی میں ایک خصوصی ٹیم تشکیل دی گئی۔
اس ٹیم میں پی ایس آئی تمپا کے علاوہ عملہ کے ارکان شامل تھے:
C.H.C-1347 وینایک پاٹیل، C.H.C-860 دیپک نائک، C.H.C-1475 دنیش نائک، C.H.C-713 دیو نائک، C.P.C-1346 مہنتیش ہیرے مٹھ، C.P.C-583 کاشی ناتھ کوٹا گونا سی، C.P.C-1663 سریش مراٹھی، C.P.C-1008 ریوڑنا سدّپپا، C.P.C-1772 کرن پاٹیل، اور C.P.C-823 سچن پوار۔
یہ ٹیم مسلسل چھ دنوں سے مصروفِ تفتیش رہی، اور بالآخر مینگلور میں چھاپہ مار کارروائی کے دوران تینوں ملزمان کو گرفتار کر لیا گیا۔
پولیس کی جانب سے یہ ایک بڑی کامیابی تصور کی جا رہی ہے، کیونکہ مختصر مدت میں ملزمان کو قانون کے حوالے کر دیا گیا۔
آج ملزمان کو کاروار کورٹ میں پیش کیا گیا، جہاں سے پولیس نے انہیں سات دن کے ریمانڈ پر اپنی تحویل میں لے لیا ہے تاکہ مزید تحقیقات کی جا سکیں۔
ذرائع کے مطابق، اس فراڈ میں مزید افراد کی شمولیت کے امکانات ہیں، اور آئندہ دنوں میں کئی نئے انکشافات سامنے آ سکتے ہیں۔
رپورٹ: اشرف سعدا، بندر روڈ بھٹکل
