’’نظم و ضبط کا سبق این ایس ایس سے ہی سیکھا جا سکتا ہے‘‘ — ایم وی ہیگڈے
کرناٹک یونیورسٹی اور این ایس ایس کوش دھارواڑ کے اشتراک سے آر این ایس فرسٹ گریڈ کالج مرڈیشور کی این ایس ایس یونٹ کا سالانہ خصوصی کیمپ شری والی ہائی اسکول، چترپور (شیرالی) میں شاندار طور پر افتتاح ہوا۔
افتتاحی تقریب میں لائنس کلب کے ڈائریکٹر پروفیسر ایم وی ہیگڈے نے خطاب کرتے ہوئے کہا کہ
’’این ایس ایس نوجوانوں کی شخصیت سازی، محنت، خدمتِ خلق اور نظم و ضبط کی بہترین تربیت گاہ ہے۔ یہاں سیکھا گیا ہر سبق زندگی بھر انسان کے کام آتا ہے۔‘‘
تقریب کے مہمانِ خصوصی شیلش بلارے (ڈپٹی چیف منیجر، شری چترپور مٹھ) نے کہا کہ
’’این ایس ایس کیمپ طلبہ کے لیے واقعی ایک نعمت ہے۔ ایسے کیمپس انہیں سماجی خدمت میں آگے بڑھنے، لوگوں کی مدد کرنے اور معاشرے کے ساتھ جڑنے کا حوصلہ دیتے ہیں۔‘‘
شری والی ایجوکیشن ٹرسٹ کے ایڈمنسٹریٹر ڈاکٹر رویندرا کائکینی نے طلبہ کو این ایس ایس کے پس منظر اور اس کی تاریخ سے روشناس کراتے ہوئے بتایا کہ’’این ایس ایس کا بنیادی مقصد نوجوان نسل میں سروس، ذمہ داری اور قومی شعور کو فروغ دینا ہے۔‘‘
تقریب کی صدارت پرنسپل ڈاکٹر شانتا شری ہری داس نے انجام دی۔ انہوں نے اپنے صدارتی خطاب میں کہا:
’’ہر طالبِ علم کو چاہیے کہ وہ سماج کی خدمت کو اپنا مقصد بنائے۔ خدمت کا جذبہ ہی انسان کی شخصیت سنوارتا ہے اور اسے بہتر انسان بناتا ہے۔‘‘
اس موقع پر ممتا بھٹکل (ہیڈ مسٹریس، شریوالی ہائی اسکول) نے بھی طلبہ کو مفید اور رہنمائی پر مبنی کلمات کہے۔
کیمپ آفیسر گنپتی کائکینی نے استقبالیہ کلمات پیش کیے۔
اسٹیج پر ممتا مراٹھی سمیت دیگر لیکچرر حضرات اور این ایس ایس کے رضاکار طلبہ بھی موجود رہے۔
رپورٹ کراولی نیوز نیٹ ورک بھٹکل
